Тры чалавекі загінулі ў ДТЗ у Пружанскім раёне: легкавік сутыкнуўся з аўтобусам МАЗ, і той перакуліўся. У салоне было 12 чалавек, паведамілі ў МУС.
Аварыя адбылася каля 07.15 у Пружанскім раёне. Кіроўца Mercedes, едучы па другараднай трасе, не саступіў дарогі і ўрэзаўся ў аўтобус МАЗ, які рухаўся па галоўнай.
Ад удару аўтобус, у салоне якога было 12 чалавек, перакуліўся. Загінулі кіроўца Mercedes і два пасажыры аўтобуса.
Мяркуючы з кадраў МУС, ДТЗ адбылося ва ўмовах туману.
На месцы здарэння працуюць супрацоўнікі ДАІ, следча-аператыўная група.